അമ്മുകുട്ടിയുടെ ഡ്രൈവിംഗ് ഭാവി... അനിശ്ചിതത്തില്‍....????

ആമുഖം : ഈ കഥയില്‍ ചിന്നുകുട്ടിക്ക് റോള്‍ ഇല്ല...

അമ്മുകുട്ടിക്ക് ഒരു മോഹം ..ഡ്രൈവിംഗ് പഠിക്കണം എന്ന്.. പഠിച്ചു..കാര്യമായി തന്നെ.... പഠിച്ചു തുടങ്ങിയപ്പോള്‍ തന്നെ എനിക്ക് ഒരു കാര്യം ദഹിക്കുന്നില്ല... ഗീയര്‍ ...എന്താണ് എന്നു അറിയില്ല..ഗീയര്‍ നോട് എനിക്ക്  ഭയങ്കര ദേഷ്യം .. എന്നെ സംബന്ധിച്ചടുതോളം ഗീയര്‍ ഒരു അനാവശ്യ സാധനം ആണ് വണ്ടിക്കു... അതിനോട് സ്നേഹം തോന്നാന്‍ വേണ്ടി മാത്രം ,ഒന്നല്ല രണ്ടല്ല മൂന്ന് പ്രാവിശ്യം Refreshment course നും പോയി ... ഇഷ്ടം തോന്നിയില്ല എന്ന് മാത്രമല്ല പൂര്‍വാധികം വെറുപ്പുമായി ..എന്നാലും 3 പ്രാവിശ്യം refreshment course നു പോയതല്ലേ...അതോടെ.. എല്ലാമായി എന്ന് ഞാനങ്ങു വിചാരിച്ചു പോയി... ഇനി എന്റെ പാടവം തെളിയിക്കാന്‍ ഒരു വേദി വേണം.. അതിനായി നല്ല പാതിയുടെ കാലില്‍ പിടിച്ചു കെഞ്ചി നോക്കി.. കരഞ്ഞു നോക്കി.. .വീട്ടില്‍ പോകുമെന്നും divorce ചെയ്യുമെന്നും    ഒക്കെ  പറഞ്ഞു നോക്കി.. അങ്ങനെ പുള്ളിയെ മോഹിപ്പിച്ചാല്‍ ഒരു കാലത്തും എന്റെ ആശ നടക്കില്ല എന്ന് മാത്രമല്ല പുള്ളി എന്നാല്‍  പിന്നെ അത് തന്നെ നടക്കട്ടെ എന്ന് ഒറ്റക്കാലില്‍  നിന്നപ്പോള്‍ , ആ ഭീഷണി തല്ക്കാലം ഞാന്‍ പിന്‍ വലിച്ചു...

പുള്ളിയുടെ അഭിപ്രായത്തില്‍ ഞാന്‍ ബാംഗ്ലൂരില്‍ ഓടിക്കാന്‍ മാത്രം വളര്‍ന്നിട്ടില്ലത്രേ!! എന്ത് ചെയ്യാം.???. ഹേയ് മനുഷ്യ ...കുളം ഇല്ലാതെ നീന്തി കാണിക്കാന്‍ പറ്റുമോ?? ഞാന്‍ രോഷം കൊണ്ടു... പക്ഷെ അത് മനസിലാണ് എന്ന് മാത്രം.....വെളിയില്‍ ആയിരുന്നേല്‍....എന്റെ പല്ലിന്റെ എണ്ണം കുറയുകയും  ..എല്ലിന്റെ എണ്ണം കൂടുകയും ചെയ്യും എന്ന് എനിക്കറിയാം....ശരി പോട്ടെ.. Bangalore ഇലെ റോഡുകള്‍ക്ക് എന്റെ ഡ്രൈവിംഗ് പാടവം അറിയാന്‍ വിധിച്ചിട്ടില്ല... എന്ന് വിചാരിച്ചു സമാധാനിച്ചു.. എന്നാലും ഇടയ്ക്കൊക്കെ സമാധാനക്കേട്   തോന്നുമ്പോള്‍  car race ഗെയിം computer ഇല്‍ കളിച്ചു സമാധാനപെട്ടു....

അങ്ങനെ ഇരിക്കെ ,ഒരു ശനി ആഴ്ച ദിവസം ,രാത്രി ഏകദേശം ഒരു 10 മണി കഴിഞ്ഞു കാണും....ഒരു പാര്‍ട്ടി കഴിഞ്ഞു വന്ന  നല്ല പാതിക്കു എന്റെ ഡ്രൈവിംഗ് കാണണം..

അയ്യോ. സത്യം പറയാല്ലോ... എനിക്ക് സന്തോഷത്തേക്കാള്‍  ഉപരി ടെന്‍ഷന്‍ ആണ് തോന്നിയത്...കാരണങ്ങള്‍ പലതായിരുന്നു...ഒന്നാമത്തെ കാരണം...refreshment course ചെയ്തതെല്ലാം രാവിലെ ആയിരുന്നു..  രണ്ടാമത്തെ കാരണം computer ഗെയിം ഇലെ എന്റെ ഡ്രൈവിംഗ് ഉം രാത്രിയില്‍ ചെയ്തിട്ടില്ല..മൂന്നാമത്തെ കാരണം... പഠിച്ചതൊക്കെ മറന്നോ എന്നുള്ള സംശയം... അതിനെല്ലാം മേലെ... instructor ആയി കൂടെ ഇരിക്കാന്‍ പോണത് മറ്റാരുമല്ല  ദേഷ്യത്തില്‍ പല പ്രാവിശ്യം doctorate നേടിയിട്ടുള്ള എന്റെ സ്വന്തം... ... ഹമ്മേ....

ഇന്ന് വേണോ?? ഒന്ന് ചോദിച്ചു പോയി... എന്താ ഇന്ന് ആയാല്‍?? മറു ചോദ്യമേ ദേഷ്യത്തില്‍... 

അല്ല.. ശനി ആഴ്ച നല്ല ദിവസമല്ല...അതാ.... 

ഒന്നും കുഴപ്പമില്ല... വാ.. പിന്നെ ഒരു കാര്യം... സ്റ്റാര്‍ട്ട്‌ ചെയ്തു മുന്നോട്ടു എടുക്കുമ്പോള്‍ ഓഫ്‌ ആയാല്‍ എന്റെ സ്വഭാവം മാറും..

ഈശ്വരാ... എനിക്ക് അങ്ങനെയേ വരൂ... തീര്‍ന്നു.... ഞാന്‍ വിറച്ചു കൊണ്ട് മുന്നോട്ടു നടന്നു...

ഞാന്‍ സകല ഈശ്വരന്‍ മാരേം വിളിച്ചു കൊണ്ട് കയറി ഇരുന്നു..സ്റ്റാര്‍ട്ട്‌ ചെയ്തു.... എന്നെ പരീക്ഷിക്കരുതേ... ഞാന്‍ ഗണപതി അമ്പലത്തില്‍ 10 തേങ്ങ അടിചേക്കാമേ...

ഗണപതി ഭഗവാനു തേങ്ങ വല്യ ഇഷ്ടമാണ് എന്ന് തോന്നുന്നു... ഭാഗ്യം ഓഫ്‌ ആയില്ല...(അതിലും വല്യ ശിക്ഷയാണ് അങ്ങ് ഈ പാവത്തിന് കത്ത് വച്ചിരുന്നത് എന്ന് അപ്പോള്‍ അറിഞ്ഞില്ല.. അപ്പോള്‍ ഓഫ്‌ ആയിരുന്നേല്‍ അതോടെ എല്ലാം തീര്‍ന്നേനെ....)

വിറച്ചു കൊണ്ട് വണ്ടി മുന്നോട്ടെടുത്തു... ക്ലെച്ചു പിടിച്ചു ഗീയര്‍ മാറ്റെടി...
ദേ വന്നു..... എന്റെ ശത്രു..ഗീയര്‍...!! ഗീയര്‍ എന്ന് കേട്ടാലെ എനിക്ക് ടെന്‍ഷന്‍ ആകും..
സത്യം പറയാല്ലോ.. ആ ടെന്‍ഷന്‍ ഇല്‍ ക്ലെച്ചും accelerator ഉം എനിക്ക് മാറിപോയി.. 

ഇതാണോ നീ 3 refreshment course കൊണ്ട് പഠിച്ചത്..??? ചേട്ടന്‍ അലറി... കൂടെ ഒരു കിഴുക്കും...
ഹമ്മേ...ടെന്‍ഷന്‍ കൊണ്ട് മാറി പോയതാ ചേട്ടാ... 

മാറിപോയോ? ഓഹോ.. ഇപ്പോള്‍ കഷ്ട കാലത്തിനു ബ്രേക്ക്‌ ആണ്  ഇടെണ്ടിയിരുന്നതെങ്കിലോ? എന്ത് സംഭവിച്ചേനെ...??? ന്ഹെ?? ഒരു ഡ്രൈവര്‍ക്ക് ഒരിക്കലും പിഴവ് സംഭവിക്കരുത്... പിന്നെ ഡ്രൈവിംഗ് നെ കുറിച്ചുള്ള ഒരു പ്രഭാഷണവും..

ഹും... ഈ മനുഷ്യന്‍ ഒരു സേഫ് ഡ്രൈവര്‍ ആണെന്ന്  പൊക്കി പറഞ്ഞ എന്നെ പറഞ്ഞാല്‍ മതിയല്ലോ... ഞാന്‍ മനസ്സില്‍ എന്നെ തന്നെ പ്രാകി...

എന്തുവാടി... പിരുപിറുക്കുന്നെ?? 

ഹേയ്.. നമ്മളീ പോളിടെക്നിക്കില്‍ ഒന്നും പഠിച്ചിട്ടില്ല എന്ന് പറയുവാരുന്നു...

പിന്നെ വല്യ കുഴപ്പമില്ലാതെ മുന്നോട്ടു പോയി..(അണയാന്‍ പോകുന്ന ദീപതിന്റെ ആളിക്കത്തല്‍  ആണ് അത് എന്ന് അപ്പോള്‍ എനിക്ക് മനസിലായില്ല..) അങ്ങനെ വീട് എത്താറായി.. പുള്ളിയുടെ മുഖത്ത് ഒരു ചെറിയ ചിരി ഒക്കെ വന്നു..തുടങ്ങി.. ഹാവൂ..

ഒരു വളവു.. (നാശം പിടിക്കാന്‍ )..കഷ്ട കാലം ഏതു രൂപത്തിലും വരാം...

എന്റെ വണ്ടി ഓഫായി... പുറകെ വന്ന സാമദ്രോഹികള്‍ക്ക് അറിയാമോ ഡ്രൈവിംഗ് ടെസ്റ്റ്‌ നു വന്ന ഒരു പാവം കുഞ്ഞാട് ആണ് വണ്ടി ഓടിക്കുന്നെ എന്ന്... 

എന്റെ നല്ല പാതിയുടെ ചീത്ത വിളിയൊക്കെ അവഗണിച്ചു... പുറകെ വന്ന ചേട്ടന്മാരോട്..

Experience ഉള്ള ചേട്ടന്‍ മാരെ..  പോകാന്‍ സ്ഥലം ഉണ്ടല്ലോ.. അതിലൂടെ വണ്ടി കൊണ്ട് പോയ്ക്കൂടെ പ്ലീസ്‌...എന്നൊക്കെ ഞാന്‍ ആംഗ്യ ഭാഷയില്‍ പറഞ്ഞു നോക്കി...  

എവിടുന്നു... അവന്മാര് എന്നേം കൊണ്ടേ പോകൂ..

2 മിനിറ്റില്‍ തീര്‍ന്നു പ്രശ്നം..  പക്ഷെ അവര്.. എന്നെ വിട്ടില്ല.. എന്റെ കാലന്‍ വേഷം മാറി

വന്നവര്‍ ആണ് അവര്‍ എന്ന് എനിക്ക് അപ്പോഴും മനസിലായില്ല...

ആ കൊരങ്ങന്മാര് എന്റെ വണ്ടിയുടെ വിലങ്ങനെ വണ്ടി  കൊണ്ടിട്ടു എന്നെ ഒരേ ചീത്ത... ഏതോ പാര്‍ട്ടി കഴിഞ്ഞു വന്ന വഴിയാണ് എന്ന് തോന്നുന്നു.... ഞാന്‍  സോറി പറഞ്ഞു കൊണ്ട് അത് മുഴുവന്‍ കേട്ടോണ്ടിരുന്നു... കാരണം.. എന്റെ ഭര്‍ത്താവും ഒരു പാര്‍ട്ടി കഴിഞ്ഞു വന്നതായിരുന്നു... പോരാത്തതിനു അവരാണേല്‍ 2 പേര് ..എന്റെ ഭര്‍ത്താവു ഒറ്റയ്ക്ക്....... പുള്ളി ദേഷ്യത്തില്‍ ഇറങ്ങാന്‍ പോയപ്പോള്‍ ഞാന്‍ കൈയില്‍ പിടിച്ചു കെഞ്ചി...

അവര്‍ ചീത്ത പറഞ്ഞു മടുത്തപ്പോള്‍ വണ്ടി എടുത്തോണ്ട് പോയി.. ഉടനെ ഞാന്‍ എന്റെ ഭര്‍ത്താവിന്റെ കൈയില്‍ നിന്നും പിടി വിട്ടു... 

അബദ്ധമായി..

ചാടി ഇറങ്ങി... ഇപ്പുറത്ത് വന്നു എന്നെ വലിച്ചിറക്കി... കരണത്ത് ഒന്ന് പൊട്ടിക്കാന്‍ ആഞ്ഞു.....ആരുടെയോ ഭാഗ്യത്തിന് അടി കിട്ടിയില്ല...

"പോയി അപ്പുറത്ത് കേറടി" ...അയ്യോ... ഞാന്‍ ഓടി പോയി അപ്പുറത്ത് കേറി...
 സാധാരണ ഗതിയില്‍ എന്നെ ഒന്ന് കിഴുക്കിയാല്‍ പോലും ആളെ വിളിച്ചു കൂട്ടുന്ന ടൈപ്പ് ആണ് ഞാന്‍.. ആ ഞാന്‍.. അനങ്ങിയില്ല... 

"ഞാന്‍ അപ്പോഴേ പറഞ്ഞതല്ലേ.. ശനി ആഴ്ച നല്ല ദിവസം അല്ല..എന്ന് ..." ഞാന്‍ പിറുപിറുത്തു..പുള്ളി എന്നെ രൂക്ഷമായി ഒന്ന് നോക്കി...പിന്നെ ഞാന്‍ ഒന്നും മിണ്ടിയില്ല..

... എത്ര സ്പീഡില്‍ ആണ് പുള്ളി കാറ് എടുത്തത്‌ എന്ന് ഇന്നും എനികറിയില്ല... എന്നെ വീട്ടില്‍ ഡ്രോപ്പ് ചെയ്തതും അവന്മാരെ തിരക്കി പോയതും ഒക്കെ ഒരു നിമിഷത്തില്‍ കഴിഞ്ഞു... പക്ഷെ.. എന്റെ ഡ്രൈവിംഗ് ഭാവി... വീണ്ടും അനിശ്ചിതത്തില്‍....???? ങ്ങീ..ങ്ങീ...

CID അമ്മുകുട്ടി & CID ചിന്നുകുട്ടി..

നാട്ടില്‍ നിന്ന ഒരു december വെക്കേഷന്‍.. ...
 വെളുപ്പിനെ 5 മണിക്ക് വന്ന അനിയത്തിയുടെ ഫോണ്‍ കാള്‍ ആണ്  അമ്മയുടെ ഫോണ്‍ മോഷണം പോയി എന്ന നഗ്ന സത്യം മനസിലാക്കിയത്..തലേന്ന് മേശയുടെ പുറത്തു വച്ചിട്ട് കിടന്നുറങ്ങിയതാണ്....  1500 രൂപയുടെ നോക്കിയ basic സെറ്റ് മാത്രമല്ല എന്റേത് അല്ലല്ലോ....അത് കൊണ്ട് തന്നെ   വല്യ വിഷമം ഒന്നും തോന്നിയില്ല...പെട്ടന്ന് ഒരു നടുക്കം.. ഫോണിന്റെ കൂടെ വച്ചിരുന്ന ആഗ്രഹിച്ചു വാങ്ങിയ എന്റെ ഡിജിറ്റല്‍ ക്യാമറ.. അയ്യോ!!! എനിക്ക് control കിട്ടിയില്ല ..ഞാന്‍ പരിസരം മറന്നു അലറി...
2  മാസം ആയി പരലോകത്തോട്ടുള്ള വിസ കാത്തു കിടക്കുന്ന  എന്റെ അമ്മുമ്മയ്ക്ക് അത് ശരിയായി എന്ന സന്തോഷത്തില്‍ നിമിഷങ്ങള്‍ക്കുള്ളില്‍ അയല്‍വാസികള്‍ ഓടിയെത്തി...
എപ്പോഴായിരുന്നു ?? ദുഖത്തോടെയുള്ള ആദ്യ ചോദ്യം പരസഹായം സാബു മാമന്റെ വകയായിരുന്നു...
ആഹ ..എന്തൊരു സ്നേഹമുള്ള നാട്ടുകാര്‍..വളരെ സങ്കടത്തോടെ ഞാന്‍ മൊഴിഞ്ഞു..  ഇന്നലെ രാത്രിയിലോ ഇന്ന് വെളുപ്പിനയോ ആയിരിക്കണം...
ഓഹോ? അപ്പോള്‍ ഉറക്കത്തില്‍ ആയിരുന്നു അല്ലേ??
അതെ...പറഞ്ഞതും ആരൊക്കെയോ അകത്തേക്ക് ഓടി കയറി..
എന്നാല്‍ പിന്നെ വൈകിക്കേണ്ട.. സ്വയം ശവമടക്ക് കമ്മറ്റി കണ്‍വീനര്‍ സ്ഥാനം ഏറ്റെടുത്തുകൊണ്ട് സാബു മാമന്‍ ചുറ്റം നിന്നവരെ നോക്കി...
കുഞ്ഞപ്പാ..നീല പടുത... അത് വഞ്ചിക്കള്‍ കാണും.. 5  ദിവസത്തേക്ക് എന്ന് പറഞ്ഞു വാങ്ങിയേക്കു.......പിന്നെ ഒരു 20 കസേര ..4 ഡസ്ക്..... മതിയോ????  കാരണവര്‍ സ്ഥാനത് അവരോധിക്കപെട്ട വാസു ആശാനോട് ചോദിച്ചു..
മതി..മതി... പിന്നെ വേണേല്‍ എടുക്കാല്ലോ?? വാസു ആശാന്‍ approve ചെയ്തു...
അതെ..അതെ..നാലുപാടും നിന്ന് സമ്മതം എത്തി.. രാത്രിയില്‍ അടക്ക്‌  നടത്താം അല്ലേ??ആരുടെയോ സംശയം ..
ഭഗവാനെ.. ഞാനും അമ്മയും മുഖത്തോട് മുഖം നോക്കി... അവര്‍ ഉദ്ദേശിച്ച കാര്യം വേറെ ആണ് എന്ന് മനസിലായതും...
സാബു മാമ..STOP എന്ന് അലറിയതും ഒരുമിച്ചായിരുന്നു...ഇനീം ലേറ്റ് ആയാല്‍ പച്ച ജീവനോടെ കിടക്കുന്ന  അമ്മുമ്മയെ അവര്‍ വാഴ ഇലയിലേക്ക് മാറ്റിയെന്നു വരാം..
എന്റെ മൊബൈലും ക്യാമറയും മോഷണം പോയ ഷോക്ക്‌ കൊണ്ടാ ഞാന്‍ അലറിയത്... അല്ലാതെ നിങ്ങള്‍ ഉദ്ദേശിച്ച കാര്യത്തിനല്ല.. ഞാന്‍ പതിയെ പറഞ്ഞു...
ന്ഹെ.. അയല്‍വാസികള്‍ പരസ്പരം നോക്കി...
അത് കൊള്ളാം.. അതിനാണോ ഈ അലറി വിളിച്ചത്..? എന്നാലും ഇത് കുറെ കടന്ന കൈ ആയി പോയി... നാട്ടുകാര്‍ എന്നെ കുറ്റപ്പെടുത്തി..
അത് ശരി.. അമ്മുമ്മ മരിക്കാത്തത്‌ ആണോ ഇപ്പോള്‍ കുഴപ്പമായത് ??ഞാന്‍ ഓര്‍ത്തു..
ഡാ.. ആ മൊബൈല്‍ ഒന്ന് കുത്തി കുഞ്ഞപ്പനോട് തിരികെ വരാന്‍ പറ.. സാബു മാമന് ആകപ്പാടെ നിരാശ ആയി...
എന്നെ ഒന്ന് രൂക്ഷമായി നോക്കികൊണ്ട്‌ ...എന്നോട് ഐക്യ ദാര്ട്യം പ്രഖ്യാപിച്ചു കൊണ്ട് വന്നവര്‍ എന്ന് ഞാന്‍ കരുതിയവര്‍ പിരിഞ്ഞു പോയി...
എന്ത് ചെയ്യണം ???..കാര്യം ഇച്ചിരി ഓവര്‍ ആണേലും സഹായത്തിനു പരസഹായത്തിനെ തന്നെ വിളിക്കാം..തൊട്ടപ്പുറത്തെ വീടാണ്... ഞാന്‍ കാര്യം പറഞ്ഞു..
അമ്മുമ്മേടെ ശവമടക്ക് കമ്മിറ്റി സ്ഥാനം കൈവിട്ടു പോയ നിരാശയില്‍ കഴിഞ്ഞിരുന്ന മാമന് എന്റെ ഈ സഹായം ചോദിക്കല്‍ വളരെ ഇഷ്ടപ്പെട്ടു.. പെട്ടന്ന് തന്നെ മാമന്‍ എന്റെ ആസ്ഥാന ഉപദേശകന്‍ എന്ന സ്ഥാനം ഏറ്റെടുത്തു..
മാമന്റെ ഉപദേശം ശിരസാവഹിച്ചു കൊണ്ട്..  ഞാനും അച്ചയും കൂടെ നേരെ പൊലിസ് സ്റ്റേഷന്‍...
..പരാതിയുമായി SI യുടെ മുറിയുടെ നേരെ നടക്കുമ്പോളാണ് ലോക്കപ്പിനുള്ളില്‍ നിന്നും ദയനീമായ ഒരു വിളി..
അമ്മുകുട്ടി.. ഞാനും അച്ചയും  ഒരു പോലെ നടുങ്ങി.....  ...നിനക്കിവിടേം പരിചയക്കാരോ??അച്ഛ എന്നെ തറപ്പിച്ചൊന്നു നോക്കി..  നോക്കിയപ്പോള്‍ പണ്ട് എന്റെ കൂടെ tuition പഠിച്ച ഏതോ ഒരു സാമദ്രോഹി ആണ് ആ ലോക്കപ്പില്‍ കിടന്നു എന്നെ വിളിക്കുന്നത്‌........
അമ്മുകുട്ടീ.. ഒന്നിവിടം വരെ വാ... എന്നെ ഒന്ന് സഹായിക്കടോ??തനിക്കെന്നെ മനസിലായില്ലേ?ഞാന്‍ ആണ് ടോ സതീഷ്‌.......താന്‍ ഈ ക്നാപ്പന്മാരോട് ഒന്ന് പറയടോ...ഞാന്‍ ഒരു പാവം ആണ് എന്ന്.. അവന്‍ ഒറ്റ ശ്വാസത്തില്‍ തട്ടി വിടുകയാണ്.. ഈശ്വരാ..പരാതിയുമായി ചെന്ന ഞാന്‍ സതീഷിന്റെ കൂട്ട് പ്രതി ആകുന്ന അവസ്ഥയാകുമോ ?? ഇത്രയും പറഞ്ഞ സ്ഥിതിക്ക് ഇനി ആ കശ്മലന്‍ ,ഇന്നലെ മോഷ്ടിച്ച സാധനങ്ങള്‍ ഒക്കെ ഞാന്‍ അമ്മുകുട്ടിക്ക് ഉപയോഗിക്കാന്‍ കൊടുത്തു എന്നോ, അല്ലേല്‍ കൊലപാതകം ചെയ്തത് അമ്മുകുട്ടിക്ക് വേണ്ടി ആണ് എന്നെങ്ങാനും വിളിച്ചി പറഞ്ഞാലോ...എന്റെ പ്രതീക്ഷ നശിച്ചു ,നിരാശയോടെ അവനെ തന്നെ ഉറ്റു നോക്കി നില്‍ക്കുനതു കണ്ടപ്പോള്‍ ,ആരോ ഒരാള്‍ അച്ചയോടു പറയുന്നത് കേട്ടു...
പാവം...തലയ്ക്കു സുഖമില്ല...ഇന്നലെ രാത്രി അമ്പലത്തിന്റെ പരിസരത്ത് വച്ചു ആരുടെയോ കൊങ്ങയ്ക്ക് പിടിച്ചു... അങ്ങനെ കൊണ്ട് വന്നതാ...ഹാവൂ.. സധാമാനമായി..ഞാന്‍ ദീര്കനിശ്വാസം വിട്ടു..
ഞങ്ങള്‍ കര്‍മ നിരതരായി..ഹെഡ് കോണ്‍സ്റ്റബിള്‍ നെ കണ്ടു സമക്ഷം എഴുതി തയാറാക്കിയ പരാതി കൊടുത്തു..
പരാതി ഒന്ന് ഓടിച്ചു വായിച്ചിട്ട് HC കുട്ടപ്പന്‍ പിള്ള എന്നെ ഒന്ന് അടിമുടി നോക്കി... ഈ ക്യാമറ ക്ക് എത്ര വില വരും..
അത് വാങ്ങിയപ്പോള്‍ പത്തു പതിനായിരമായി.. ഇപ്പോള്‍ ഒരു ആറായിരത്തില്‍ something ഉണ്ടായിരിക്കും..
ഞാന്‍ എന്തോ അരുതാത്തത് പറഞ്ഞത് പോലെ അങ്ങേര് എന്നെ ഉഗ്രമായി ഒന്ന് നോക്കി..
എന്ത് ??..6000 രൂപയുടെ മോഷണം അന്വേഷിക്കാന്‍ ഞങ്ങളോ? കൊച്ചു  എന്താ ഞങ്ങളെ പറ്റി വിചാരിച്ചത്.. ഛെ..HC തല വെട്ടിച്ചു...നല്ല കാര്യായി.. .. ? വല്ല ATM കവര്ചയോ കൂട്ട കൊലപാതകമോ .. അങ്ങനെ  ഒക്കെ വരട്ടെ!!.. HC തുടര്‍ന്നു.. ഉം...എന്താണേലും ഇത് ഇവിടെ ഇരിക്കട്ടെ... മറ്റു  കേസുകള്‍ അന്വേഷിച്ചിട്ട് സമയം കിട്ടുവാണേല്‍.. നോക്കാം..
ഞാനും അച്ചയും മുഖത്തോട് മുഖം നോക്കി.. ഒരു ജോലിയുമില്ലാത്ത ഈച്ച ആട്ടിയിരിക്കുന്ന ഒരു ലോക്കല്‍ സ്റ്റേഷന്‍ ആണ്... പറച്ചില്‍ കേട്ടാല്‍ മുംബൈ തീവ്രവാദി ആക്രമണത്തിന്റെ അന്വേഷണ ചുമതല കഴിഞ്ഞു ഇപ്പോള്‍ വന്നു കേറിയാതെ ഉള്ളു എന്ന് തോന്നും......ഒരു കാര്യം മനസിലായി... പരാതി കൊണ്ട് വല്യ പ്രയോജനം ഒന്നും ഉണ്ടാകാന്‍ പോകുന്നില്ല എന്ന്.... എന്നാല്‍ പിന്നെ ഒരു കൈ നോക്കി കളയാം..കളളനെ പിടിക്കാനായി ഞാനും ചിന്നുവും മുന്നിട്ടിറങ്ങി..
 നാട്ടിലെ ആസ്ഥാന കള്ളന്മാരില്‍ ഒരാള്‍ ആയ   കോഴി കുഞ്ഞുമോനെ ചുറ്റി പറ്റി അന്വേഷണം തുടങ്ങാന്‍ തീരുമാനമായി......രാത്രിയില്‍ മോഷണവും പകല്‍ കൂലി പണിയും...അതായിരുന്നു കുഞ്ഞുമോന്‍.... ഞങ്ങളുടെ വീടിലെ ചില്ലറ പുറം പണിക്കൊക്കെ പുള്ളി വരാറുണ്ടായിരുന്നു...
അത് ശരിയാ..ഇന്ന് പണിക്കു വരുമ്പോള്‍  മുതല്‍ തന്നെ നമുക്ക് പുള്ളിയെ നിരീക്ഷണത്തില്‍ വെയ്ക്കാം..ചിന്നു master plan തയാറാക്കി..അതിന്‍ പ്രകാരം ഞങള്‍ പുറം പണി ചെയ്തോണ്ടിരുന്ന ചേട്ടന്റെ അടുത്തെത്തി...
ഉം.. എന്താ? കുഞ്ഞുമോന്‍ ചേട്ടന്റെ വക ചോദ്യം..
അല്ല.. അത് പിന്നെ.. ചേട്ടാ..ഞങ്ങള്‍ വിക്കി.... അപ്പുറത്ത് പറമ്പിലുള്ള ആ ഓല ആരും കാണാതെ ഇങ്ങു എടുത്തോണ്ട് വാ...
പൂര്‍ത്തിയാക്കുന്നതിനു മുന്നേ തന്നെ പുള്ളി ഞങ്ങളെ ദഹിപ്പിക്കുന്നപോലെ ഒന്ന് നോക്കി...
എന്റെ പോന്നു കുഞ്ഞേ ..വേറെ എന്ത് വേണേലും പറഞ്ഞോ...മോഷ്ടിക്കാന്‍  മാത്രം... അതിനു മാത്രം ഈ കുഞ്ഞു മോനെ കിട്ടുകേല മക്കളെ.....
ആഹാ....ഞങ്ങള്‍ പരസ്പരം നോക്കി... മോഷണത്തിന് മിനിഞ്ഞാന്നും കൂടെ നാട്ടുകാരുടെ തല്ലു കിട്ടിയ ആളാണ്.. നല്ല രസം...
ഞങ്ങള്‍ക്ക് മതിയായി..പിന്നെ ആര്????? അങ്ങനെ  ആലോചിച്ചു ആലോചിച്ചു.. കള്ളന്‍ ചെയ്ത ഒരു മണ്ടതരത്തില്‍ നിന്നും ഞങ്ങള്‍ അവനെ കണ്ടു പിടിച്ചു...ആ രാത്രി തന്നെ HC കുട്ടന്‍ പിള്ള സാറിനെ വിളിച്ചു കളളനെ പറ്റിയുള്ള വിവരങ്ങള്‍ hand ഓവര്‍ ചെയ്തു...പുള്ളി പിറ്റേന്ന് അവനെ അവന്റെ വീട്ടില്‍ ചെന്ന് പിടിക്കുകയും ചെയ്തു... (കള്ളന്‍ വളരെ intelligent ആയിരുന്നത് കൊണ്ട്.. മോഷ്ടിച്ച ഫോണില്‍ ഇരുന്നു 10 - 12 കാള്‍ വിളിച്ചിരുന്നു.. ആ ഒരു ക്ലൂ ഇല്‍ പിടിച്ചു ആ ഫോണിന്റെ കാള്‍ ലിസ്റ്റ് എയര്‍ടെല്‍ ജോലി ചെയ്യുന്ന ഒരു ഫ്രണ്ട് നെ കൊണ്ട് എടുപ്പിച്ചു..അവന്‍ വിളിച്ച 12 കാളും വിളിച്ചു നോക്കി ഞങ്ങള്‍ കണ്ടു പിടിച്ചതാണ്..).
 നാട് മുഴുവന്‍ അമ്മുകുട്ട്യും ചിന്നുകുട്ടിയും ഭീകരനായ കള്ളനെ പിടിച്ച  കഥയ്ക്ക്‌ ഞങ്ങള്‍ publicity കൊടുത്തു... ആ വീര സാഹസിക കഥ കേള്‍ക്കാന്‍ കൂട്ടത്തോടെ എത്തിയവരെ..."ചക്ക വീണു മുയല്‍ ചത്ത കഥ" മറച്ചു പിടിച്ചു  ഞങ്ങളായി ഉണ്ടാക്കിയ കഥയോടെ സന്തോഷപൂര്‍വ്വം സ്വീകരിച്ചു..ഏതാണ്ടിങ്ങനെയൊക്കെ ...
."മദ്രാസിലുള്ള ഞങ്ങടെ ഒരു ഫ്രണ്ട് വഴിയ അവനെ പൊക്കിയത്... പുള്ളി അവിടെ intelligence  ഓഫീസില്‍ ആണേ..പുള്ളി  ആദ്യം ഫോണ്‍ ഇരിക്കുന്ന  സ്ഥലം കണ്ടു പിടിച്ചു ഞങ്ങളെ അറിയിച്ചു.... പിന്നെ ഒരു സ്പീഡ് ബോട്ടില്‍  അതി സാഹസികമായി അവനെ chase  ചെയ്തു...ഹോ..ഒന്നും പറയണ്ട..വല്യ കഷ്ടപ്പാടരുന്നു"..
അല്ല.. സ്പീഡ് ബോട്ട് എന്തിനാ... അതിനിടയില്‍ ഏതോ ഒരു അഹങ്കാരിയുടെ സംശയം.. നോക്കിയപ്പോള്‍ 7 വയസുകാരന്‍ ഉണ്ണിയാണ്...
ന്ഹെ...അതോ...അത്... ഉണ്ണികുട്ടാ...പൊന്നു മോനെ....നീ ..ഇങ്ങു വന്നെ..ഒരു സാധനം തരാം.. ചിന്നു അവനെ അകതോട്ടു വിളിച്ചു കൊണ്ട് പോയി...
ഡാ...ഇനീം നിന്റെ മുടിഞ്ഞ സംശയവുമായി വന്നാല്‍ നിന്നെ വെട്ടികണ്ടിച്ചു ഉപ്പിലിടും..പറഞ്ഞേക്കാം... ഓടെടാ...ഹല്ലാ പിന്നെ...കൂടെ ഒരു കിഴുക്കും..അവന്‍ ഓടി...ശത്രുവിനെ തുരത്തിയ സന്തോഷത്തില്‍ ചിന്നു മന്ദഹസിച്ചു കൊണ്ട് വീണ്ടും കഥ തുടരാന്‍ എത്തി..അവസാനമായി സംയുക്തമായി ഞങ്ങള്‍ പ്രഖ്യാപിച്ചു...
."ഞങ്ങളോട് കളിക്കുന്ന എല്ലാവര്ക്കും ഇതൊരു പാഠമാകട്ടെ"
നാട്ടുകാര്‍ ഞങ്ങളെ അതിശയത്തോടും  ആരാധനയോടും  നോക്കി.. ...അമ്മയും അച്ഛനും നിസ്സഹായരായി  ഞങ്ങളെയും ദയനീയരായി നാട്ടുകാരെയും   നോക്കി...
പിറ്റേന്ന് രാവിലെ 11 മണിയായപ്പോള്‍  ഒരു പറ്റം പൊലിസ് ...സൈറന്‍ മുഴക്കി കൊണ്ട് 2 പൊലിസ് ജീപ്പില്‍ വീട്ടിലോട്ടു ഇരച്ചെത്തി..
മോഷണം നടന്നു മുറിയെതാ? വാതില്‍ തുറന്നു അമ്പരന്നു നിന്ന അമ്മയോട് ഒരു പോലിസ്കാരന്‍ അന്വേഷിച്ചു..
അമ്മയെ തള്ളിമാറ്റി അവര്‍ അങ്ങോട്ട്‌ ഓടി കയറി..പിന്നെ മുരിയ്ടെ നീളം അളക്കുന്നു.വീതി അളക്കുന്നു.. dummy ഇട്ടു നോക്കുന്നു.. ആകെ ബഹള മയം. .. മഹസര്‍ തയാറാക്കുവാനത്രേ!! ശരി..നടക്കട്ടെ.
വീണ്ടും ഒരു  2  ആഴ്ച കഴിഞ്ഞപ്പോള്‍ 2 പോലിസ്കാരന്മാര് മാത്രം വീട്ടിലെത്തി..
കാപ്പി കുടി കഴിഞ്ഞ ശേഷം അവര്‍ അച്ചയെ മുറ്റത്തെ  തെങ്ങിന്‍ ചോട്ടിലേക്ക് വിളിച്ചു മാറ്റി നിര്‍ത്തി...
അന്ന് ..ഒരുപാടു കഷ്ടപെട്ടേ ..ആ മോഷണം തെളിയിക്കാന്‍... അത് കൊണ്ട് .. അവര്‍ തല ചൊറിഞ്ഞു...
അച്ചയ്ക്ക് കാര്യം മനസിലായി... തരാം..തരാം.എന്ത് വേണമെങ്കിലും തരാം... പക്ഷെ ദയവു ചെയ്തു കള്ളനെ പിടിച്ച ആ സാഹസിക കൃത്യം മാത്രം ഇവിടെ  വിവരിക്കരുത്...ഒന്നും കൂടെ കേള്‍ക്കാന്‍ ശക്തിയില്ല... അതാ...അവര്‍ മുഴുമിക്കുന്നതിനു മുന്നേ തന്നെ അച്ഛാ തളര്‍ന്ന സ്വരത്തില്‍ പറയുന്നത് കേട്ടു...

"കേള്‍ക്കാന്‍ മേലാ... കമ്പിളി പുതപ്പു.."

കുറെ നാളുകള്‍ മുന്‍പാണ്‌ ..കൃത്യമായ് പറഞ്ഞാല്‍,

സാധാരണക്കാരന് മൊബൈല്‍ അപ്രാപ്യം ആയിരുന്ന ഒരു സമയം...

സിനിമയില്‍ മമ്മൂട്ടിയും മോഹന്‍ലാലും സുരേഷ് ഗോപിയുമൊക്കെ ഇഷ്ടിക പോലത്തെ മൊബൈലും പിടിച്ചു വിലസുന്ന സമയം... 

500 രൂപയ്ക്ക് മൊബൈല്‍ ഫോണ്‍ നല്‍കി റിലൈന്‍സ് കമ്പനി മൊബൈല്‍ ജനകീയം ആക്കി തുടങ്ങിയ സമയം...  

എങ്ങനേം ഒരു മൊബൈല്‍ കൈ കൊണ്ട് തൊടാനെങ്കിലും കിട്ടിരുന്ണേല്‍ എന്ന് ആശിച്ച time ഇല്‍ ആണ് 500 രൂപയുടെ റിലൈന്‍സ് ഫോണിനെ കുറിച്ചുള്ള പരസ്യം കണ്ടത്... അച്ഛനെ എരിവു കേറ്റി ഞങ്ങളും ഒരണ്ണം വാങ്ങിച്ചെടുത്തു... പിന്നെ പറയണ്ടല്ലോ? അല്പന് അര്‍ഥം കിട്ടിയാല്‍ അര്‍ദ്ധ രാത്രിയില്‍ കുട പിടിക്കും എന്നാണല്ലോ?? ഞങ്ങളുടെ കാര്യത്തില്‍ കൂടെ അത് അച്ചട്ടായി..കുട മാത്രമല്ല ഞങ്ങള്‍ പിടിച്ചത്...വടി,കുന്തം ,കൊടചക്രം... അങ്ങനെ പിടിക്കവുന്നതെല്ലാം പിടിച്ചു.. എപ്പോളും മൊബൈല്‍..ഉണ്ണുമ്പോള്‍ ,ഉറങ്ങുമ്പോള്‍, പഠിക്കുമ്പോള്‍,കരയുമ്പോള്‍,ചിരിക്കുമ്പോള്‍ എന്ന് വേണ്ട toilet ഇല്‍ പോകുമ്പോള്‍ പോലും അതില്ലാതെ പറ്റില്ലന്നായി.. ആ സമയം ഞാന്‍ ഹോസ്റ്റലില്‍ നിന്നും പഠിക്കുന്ന സമയം ആണ്.. അനിയത്തി വീട്ടില്‍ നിന്നും പഠിക്കുന്ന സമയവും..ഇത് വാങ്ങിയതില്‍ പിന്നെ  ആ മൊബൈല്‍ നു വേണ്ടി ഞാനും എന്റെ അനിയത്തിയും തല്ലു കൂടാത്ത നേരമില്ലന്നായി ...എല്ലാ saturday ഉം ഞാന്‍ വീട്ടില്‍ ഹാജരായി... എന്താണെന്നറിയില്ല വല്ലാത്ത ഒരു ഹോം sickness എന്ന് കാരണമായി പറഞ്ഞു.... വീട്ടില്‍ എത്തിയാലുടെന്‍ അത് കൈയില്‍ എടുത്തു പിടിച്ചാല്‍ ബഹു സന്തോഷമാകും..

അങ്ങനെ ഇരിക്ക്കെ നടന്ന ഒരു സംഭവം ആണ് ഇത്... ഇത് പോലെ ഉള്ള ഒരു ശനി ആഴ്ച വീട്ടില്‍ വന്നപ്പോളാണ് അത് ശ്രദ്ധിച്ചത്.. അനിയത്തി ഏത് നേരം നോക്കിയാലും മൊബൈലില്‍ ഒരു ചേട്ടനോട് പഞ്ചാര.. അവളെക്കാളും 4  വയസു മൂത്ത ആളായ ഞാന്‍ ഇവിടെ ചൊറീം കുത്തി ഇരിക്കുമ്പോള്‍... ???? എനിക്ക് സഹിക്കുമോ??നെവെര്‍.. ഒന്നുമില്ലേലും എന്റെ പ്രായത്തില്‍ ഉള്ള എല്ലാര്ക്കുമല്ലേ നാണക്കേട്‌.. ഞാന്‍ വളരെ ആധികാരികമായി അവളോട്‌ കല്പിച്ചു... 

ചിന്നു.. ഇതൊന്നും കുടുംബത്തില്‍ പിറന്നവര്‍ക്ക് ചേര്‍ന്ന പണി അല്ല??

ഏത്?? അവളുടെ മറു ചോദ്യം..

ഈ.. സൊള്ളല്‍...over ഫോണ്‍... 

ഓഹോ? ആണോ?? സാരമില്ല.. ഞാന്‍ തല്ക്കാലം കുടുംബത്തില്‍ പിറന്നതല്ല എന്ന് കരുതി കൊള്ളാം...

ഹും! ! എന്നെ വിറ്റ കാശും അതിന്റെ പലിശയും അവളുടെ കൈയില്‍ ഉണ്ട്... അടവ് മാറ്റാം..

എന്നാലും അങ്ങനെ അല്ലടീ..ഞാന്‍ അമ്മയോട് പറയും.....

നീ പറ... എന്നിട്ട് വേണം.. എന്നികും നിന്റെ കുറെ കാര്യങ്ങള്‍ എനിക്കും  അമ്മയോട് പറയാന്‍..

ന്ഹെ ?? എന്തുവാടി നിനക്കിത്ര പറയാന്‍... 

നീ എന്റെ കാര്യം പറഞ്ഞു നോക്ക്.. അപ്പോള്‍ അറിയാമല്ലോ ??

അയ്യട.. അങ്ങനെ നീയിപ്പം സുഖികണ്ട..ഞാന്‍ ഒന്ന് ആലോചിച്ചു...ഇവളുടെ അടുത്ത് ഇതൊന്നും ചിലവാകില്ല.. താഴ്മതാനഭ്യുന്നതി എന്നല്ലേ?? ശരി..ശരി..പോട്ടെ..ഒന്നുമില്ലേലും നീ എന്റെ അനിയത്തി അല്ലെ???ഞാന്‍ ക്ഷമിച്ചിരിക്കുന്നു... but one condition ...

എന്താ? 

നീ ആരോടാണ് സംസാരിക്കുന്നതു എന്ന് എന്നോട് പറയണം..

അതോ...അവള്‍ക്കു എല്ലാം നിസാരം.. ഇതാണ് അപ്പു ചേട്ടന്‍.. എന്റെ ഫോണ്‍ ഫ്രണ്ട്..

കര്‍ത്താവെ?? ഫോണ്‍ ഫ്രെണ്ടോ??മൊട്ടേന്നു വിരിയാത്ത ഇവള്ക്കോ?? ഞാന്‍ അപ്പം ആരായി... ഇത്രേം കാലമായിട്ടും.. എനിക്ക് ഒരു ഫോണ്‍ ഫ്രെണ്ട് പോയിട്ട് ഫോ പോലും ഇല്ല...ഞാന്‍ ഇതെങ്ങനെ സഹിക്കും...എനിക്ക് കരയാന്‍ തോന്നി...

എങ്ങനെ ഒപ്പിച്ച്ചെടീ നീ ഇത്.. എന്റെ സ്വരം ഒരു കരച്ചിലിന്റെത് ആയിരുന്നു..

ഓ.. അത് ഒരു missed  കാള്‍ വഴിയാ..ഇതൊക്കെ എത്ര നിസാരം എന്നാണ് അവളുടെ ഭാവം..

ബാക്കിയുള്ളവര്‍ എത്രയോ കാലമായി മൊബൈല്‍ താഴത്തും തറയിലും വയ്ക്കാതെ കൊണ്ട് നടക്കുന്നു... ഒരു അവനും എന്തിനു അവള് പോലും missed  അടിപ്പിച്ച്ചിട്ടില്ല..അതല്ലേലും അങ്ങനെ അല്ലെ ? എറിയാന്‍ അറിയാവുന്നവരുടെ കൈയില്‍ കല്ല്‌ കൊടുക്കില്ലോ??

വേണേല്‍ ഞാന്‍ നിന്നെ പരിചയപെടുത്താം.. അവള്‍ വിശാലമനസ്കയായി...

വലിയ അഭിമാനിയായി "എന്റെ പട്ടിക്ക് വേണം "..എന്ന് പറയാന്‍ ആഗ്രഹം ഉണ്ടായിരുന്നു എങ്കിലും...ആവിശ്യക്കാരന് ഔചിത്യം പാടില്ല എന്നുള്ളത് കൊണ്ട് പുറത്തു പറഞ്ഞത് ഇങ്ങനെ ആണ്...

"നിനക്ക് നിര്‍ബന്ധം ആണേല്‍ ഒന്ന് പരിചയ പെട്ടേക്കാം.."

ഓ..എനിക്ക് ഒരു നിര്‍ബന്ധവും ഇല്ല.. അവളുടെ മറുപടി പെട്ടന്നായിരുന്നു...

bloody  fool ...കലക്ക വെള്ളത്തിലെ മീന്പിടുത്തക്കാരി ..."EVERY DOG HAS A DAY " ഞാന്‍ പല്ല് കടിച്ചു..

എന്താടീ..ദേഷ്യം വരുന്നോ??

ഏയ്‌..എനിക്കോ?? ദേഷ്യമോ?? എന്ന് വച്ചാല്‍ എന്താ??

ഉം...അവള്‍ ഒന്ന് ഇരുത്തി മൂളി.... അതൊക്കെ കൊള്ളാം.. പക്ഷെ നീ ഇന്നലെ വാങ്ങിയ ആ പുതിയ ടോപ്‌ എനിക്ക് തന്നേക്കണം..

ഞാന്‍ ഞെട്ടിപ്പോയി.. ആശിച്ചു വാങ്ങിയതാണ്... ഈ നശൂലം ഇന്നലെ അത് ചോദിച്ചപ്പോള്‍ കട്ട്‌ ആന്‍ഡ്‌ റൈറ്റ് ആയിട്ട്  കൊടുകില്ല എന്ന് പറഞ്ഞതാണ്‌...എന്നിട്ടവള്‍ പുര കത്തുമ്പോള്‍ വാഴ വെട്ടുന്നു!!... 

ഞാന്‍ അവളെ ദയനീയമായി ഒന്ന് നോക്കി... വേണേല്‍ മതി എന്നാ ഭാവം ആണ് അവളുടെ മുഖത്ത്..

എടീ അത് വേണോ?? അതിനു മുന്നേ വാങ്ങിച്ചത് പോരെ? 

അത് നീ തന്നെ വച്ചോ?? ഞാന്‍ പോണു..

കുലദ്രോഹി... തരാം..വാ... പക്ഷെ അതിനു മുന്നേ എന്നെ introduce ചെയ്യണം... 

ok ..അവള്‍ സമ്മതിച്ചു..

അങ്ങനെ ആ മഹത് കാര്യം അവള്‍ നിര്‍വഹിച്ചു... അന്ന് മുതല്‍ ഞാനും അപ്പു ചേട്ടനുമായി കമ്പനി..ചിന്നു out ..

 പുള്ളിയുടെ name മൊബൈലില്‍ തെളിഞ്ഞ ഉടനെ.. "സോറി..ഇത് എനിക്കുള്ള കാള്‍ ആണ്.. " എന്ന് പറഞ്ഞു എണീറ്റ്‌ പോകുന്നിടം വരയെത്തി കാര്യങ്ങള്‍...

അങ്ങനെ ഇരിക്കെ ഞങളുടെ അപ്പു ചേട്ടന് ഞങളെ ഒന്ന് കാണാന്‍ മോഹം...

ഇത്രേം നാളും സംസാരിച്ച ഒരു ലെവല്‍ വച്ചു..ഞങ്ങള്‍ തന്നെ ചേട്ടന്റെ ഒരു രൂപം മനസ്സില്‍ മെനഞ്ഞെടുത്... സൌണ്ട് കേട്ടാല്‍ അറിയാം കുഞ്ചാക്കോ ബോബന്‍ തന്നെ എന്ന് ചിന്നുവും.. അല്ലെ അല്ല.. ഇത് ആമിര്‍ ഖാന്‍ തന്നെ എന്ന് ഞാനും ബെറ്റ് വെച്ചു..

ശരി  ശരി ... ഇവരില്‍  ആരേലും ആയ്കോട്ടെ!! ഞാന്‍ അതിനും തയാറായി... എന്താണേലും ചേട്ടന്റെ അടിപൊളി ശബ്ദം ആണ്... ഞാന്‍ ഉറപ്പിച്ചു...

 കോട്ടയത്ത്‌ വച്ചു നടക്കുന്ന ഒരു FLOWER SHOW യുടെ അന്ന് 2 മണിക്ക് കാണാം എന്ന് ഞങ്ങള്‍ ഉറപ്പിച്ചു..
ആ സുദിനം അടുക്കുന്തോറും ..കാരണമില്ലാത്ത ഒരു വെപ്രാളം..ഒരു പരിഭ്രമം.. എന്ന് വേണ്ട.. ആദ്യമായി പെണ്ണ് കാണലിനു ഒരുങ്ങി നിക്കുന്ന ഒരു പെണ്ണിന്റെ സകല മനോഭാവത്തില്‍ കൂടെയും ഞാന്‍ കടന്നു പോകാന്‍ തുടങ്ങി..

അന്നത്തെ ദിവസം 1 മണി ആയപ്പോള്‍ തന്നെ ഞങ്ങള്‍ ready ആയി പുറപെട്ടു.. വഴി നീളെ വായി നോക്കികൊണ്ടാണ് പോണത്... ആരെ കണ്ടാലും ഇതാണോ അപ്പു ചേട്ടന്‍  എന്നാ ഒരു confusion ..
ചേട്ടനെ വിളിച്ചു... പുള്ളി അവിടെ ഹാജര്‍..  ഞങ്ങള്‍ മൈതാനത്തിന്റെ അകത്തേക്ക് കടക്കാന്‍ തുടങ്ങിയപ്പോളാണ് പെട്ടന്ന് ഒരു ഉള്‍വിളി.... എടീ..  എന്താണേലും ചേട്ടനെ ആദ്യം നമുക്ക് മറഞ്ഞു നിന്ന് കാണാം... പുള്ളിടെ ഡ്രസ്സ്‌ എന്താണ് എന്ന് വിളിച്ചു ചോദിച്ചേക്കാം... നമ്മുടെ ഡ്രസ്സ്‌ ചോദിക്കുവണേല്‍ മാറ്റിയും പറയാം..
 അതെ..അത് ശരിയാ.. ഞാന്‍ പുള്ളിയെ വിളിച്ചു ..
ചേട്ടാ..എന്താ ഡ്രസ്സ്‌??
ഞാന്‍ ഒരു ഡെനിം ജീന്‍സിലും ഒരു വൈറ്റ് ഷര്‍ട്ട്‌ ലും..
ഞാന്‍ ഒരു റെഡ് ചുരിദാര്‍ ആണ്..ചിന്നു ഒരു ബ്ലാക്ക്‌ മിഡി ആന്‍ഡ്‌ ക്രീം ടോപ്‌... ഞങ്ങള്‍ identity വെളിപെടുത്തി...

 ഞാന്‍ അപ്പോളെ പറഞ്ഞില്ലേ?? അടിപൊളി ആയിരിക്കുമെന്ന്..  ചിന്നു അവകാശവാദം നടത്തി കൊണ്ട് ചുറ്റിലും നോക്കി... അവിടെ അതാ ഫോണില്‍ സംസാരിക്കുന്ന ഒരു ഡെനിം ജീന്‍സ്കാരന്‍...

ഇത് തന്നെയടീ.. വാ... . അപ്പു ചേട്ടാ... ഞങ്ങള്‍ അയാളുടെ അടുത്തെത്തി കോറസ് ആയി വിളിച്ചു...

നോ രക്ഷ.. മൈന്‍ഡ് ചെയ്യുന്നില്ല.. ചേട്ടാ.. BASS ശരിയാക്കി വീണ്ടും ട്രൈ ചെയ്തു...

ഇത്തവണ അദ്ദേഹം കനിഞ്ഞു..തിരിഞ്ഞു നോക്കി... കുഞ്ചാക്കോ ബോബന്‍ ഒന്നുംമാല്ലെങ്കിലും ഒരു അടിപൊളി ആള്‍....  ഞങ്ങള്‍ക്ക് സന്തോഷമായി..ഞങ്ങള്‍ പുള്ളിയെ നോക്കി വെളുക്കെ ചിരിച്ചു...
എന്തേ ??? ... പുള്ളിക്ക് യാതൊരു ഭാവഭേദങ്ങളും ഇല്ല..
അല്ല..അപ്പു ചേട്ടന്‍ അല്ലേ?...
അല്ലാലോ.. പുള്ളിയെ എവിടെ നഷ്ടപ്പെട്ട്...??
ന്ഹെ?? ഇവന്‍ ആരടാ?? എവിടെ നഷ്ടപെട്ടന്നു.. ??

ഓ..ഒന്നുംമില്ല ... ഞങ്ങള്‍ തിരികെ വന്നു.. അപ്പു ചേട്ടനെ വിളിക്കാന്‍ തുടങ്ങിയപ്പോള്‍ പുള്ളി ഇങ്ങോട്ട് വിളിച്ചു.... അങ്ങേര്‍ക്കും പണി കിട്ടി എന്ന് തോന്നുന്നു..
 നിങ്ങള്‍ ശരിക്കും എന്താ ഡ്രസ്സ്‌?
ഇനി മറച്ചു വെച്ചിട്ട് കാര്യമില്ല.. ചേട്ടനും ശരിക്കുള്ളത്‌ പറ...അങ്ങനെ യഥാര്‍ത്ഥ ഐഡന്റിറ്റി വെളിപെടുതി.. ഫോണ്‍ വച്ചതും ചിന്നു പുറകോട്ടു മറിഞ്ഞതും ഒരുമിച്ചായിരുന്നു..
എടീ..escape !!!
എന്താടീ?? ഞാന്‍ ചുറ്റിനും നോക്കി.. നമുക്ക് അറിയാവുന്നവര്‍ ആരേലും ആണോ??
ആണേല്‍ എത്ര ഭേദം...അവള്‍ പറഞ്ഞു തീര്‍ന്നതും ... ഹലോ അമ്മുകുട്ടി... എന്ന വിളി  കേട്ടതും  ഒരുമിച്ചായിരുന്നു..
തിരിഞ്ഞു നോക്കിയ എനിക്ക് തല കറങ്ങി..
ഞങളുടെ അച്ഛന്റെ പ്രായം വരുന്ന ഒരുത്തന്‍.. ഈശ്വര!!! കുളിച്ചൊരുങ്ങി.. മുടിയൊക്കെ എണ്ണയൊക്കെ തേച്ചു പൌഡര്‍ ഒക്കെ പൂശി നല്ല സിംപലന്‍ ആയി വന്നിരിക്കുന്നു...
ഞാന്‍ ചിന്നുവിനെ ഒളി കണ്ണാല്‍ ഒന്ന് നോക്കി  .. രക്ത മയമില്ല..
അങ്ങേരുടെ മുഖത്ത് ലോട്ടറി അടിച്ച സന്തോഷം.. ഞങ്ങള്‍ക്ക് കാഞ്ഞിരക്കുരു കഷായം കുടിച്ച ഭാവം...

VERY GLAD TO MEET YOU !!!

ആണോ? അത് തനിക്കു.. ഹല്ലാ പിന്നെ ...
ഒരു ചവിട്ടു വച്ചു കൊടുക്കാന്‍ തോന്നി...
ടിക്കറ്റ്‌ എടുത്തോ അമ്മുകുട്ടി... ?? രക്ഷപെടാന്‍ ഉള്ള ഒരു അവസരം.. ഞാന്‍ ചിന്നുവിനെ നോക്കി.. അവള്‍ ഷോക്കില്‍ നിന്നും മുക്ത ആയ പോലെ തോന്നി...
ഇല്ല ചേട്ടാ.. എടുക്കാന്‍ പോകുവാ ...അവള്‍ പറഞ്ഞു..
നന്നായി.. എനിക്കും കൂടെ ഒന്ന് എടുത്തോ??
ഠിം.. മതിയായല്ലോ??മനസ്സില്‍ പറഞ്ഞു കൊണ്ട്  ഞാന്‍ അവളെ നോക്കി ഒന്ന് ചിരിച്ചു...
എന്തായിരുന്നു ബഹളം.. നിനക്കിതു തന്നെ വേണമെടി.. അവളും എന്നെ നോക്കി ചിരിച്ചു...
മൌനം വാചാലം ആയ ഒരു നിമിഷം..!!

വാ..പെട്ടന്ന് നടക്കു.. പിന്നെയെല്ലാം പെട്ടന്നായിരുന്നു... അങ്ങേരു ഞങ്ങളുടെ രക്ഷ കര്‍ത്താവിന്റെ സ്ഥാനം സ്വയം ഏറ്റെടുത്തു.. രക്ഷപെടാന്‍ ഒരു പഴുത് ആലോചിച്ചുകൊണ്ട്‌ കൊല്ലാന്‍ കൊണ്ടുപോകുന്ന ആടിനെ മാതിരി  ഞങ്ങളും പിന്നാലെ നീങ്ങി...
നമുക്കൊരു ഐസ് ക്രീം കഴിച്ചാലോ?? പുള്ളി ചോദിച്ചു.. അതെങ്കിലും നടക്കട്ടെ!! ഞങ്ങള്‍ അനുസരണ ഉള്ളവരായി  അങ്ങേരെ അനുഗമിച്ചു..
കഴിച്ചു തീര്‍ന്ന ഉടനെ ,ഒട്ടും താമസമില്ലാതെ അങ്ങേരു കല്‍പ്പിച്ചു..

അമ്മുകുട്ടി.. ആ കാശു അങ്ങ് കൊടുത്തേക്കു...
പൂര്‍ത്തിയായി...ഇനി  വണ്ടിക്കൂലിക്ക് പോലും കാശില്ല.... ഞങ്ങള്‍ പരസപരം നോക്കി പുഞ്ചിരിച്ചു... തൃപ്തി ആയല്ലോ? അതായിരുന്നു ആ പുഞ്ചിരിയുടെ അര്‍ഥം...മൌനം വാചാലം ആയ മറ്റൊരു  നിമിഷം !!...

എന്തിനേറെ പറയുന്നു.. സമാധാനമായി.!!!.
അവസാനം എങ്ങനോക്കെയോ ഒരു വിധത്തില്‍..രക്ഷപെട്ടു വീട്ടിലെത്തി... ബസ്‌ കൂലിക്ക് കാശില്ലതിരുന്നത് കൊണ്ട്.. ഓട്ടോ പിടിച്ചാണ് വീട്ടില്‍ എത്തിയത്.. അതിനു അമ്മയുടെ കൈയില്‍ നിന്നും വേറെ കിട്ടി...
 ഒരക്ഷരം പോലും പറയാന്‍ പറ്റാതെ മുഖത്തോട് മുഖം നോക്കിയിരുന്നപ്പോള്‍ ദാ അടിക്കുന്നു പണ്ടാരം!!!
രണ്ടു പേരും അനങ്ങിയില്ല.. നീ ചെല്ല്.. ഞാന്‍ പറഞ്ഞു.. അപ്പു ചേട്ടന്‍ ആണേല്‍ തരണ്ട..
അയ്യട.. അങ്ങനെ ഇപ്പോള്‍ സുഖികണ്ടാ..നിന്റെ self property ആയിരുന്നല്ലോ .. നീ തന്നെ ചെല്ല്..
ഓ.. അത് സാരമില്ല.. ഞാന്‍ വിട്ടു തന്നിരിക്കുന്നു... നീ എടുത്തോ!!
അവള്‍ എന്നെ രൂക്ഷമായി ഒന്ന് നോക്കി...
അവസാനം നിവര്‍ത്തിയില്ലാതെ അവള്‍ തന്നെ പോയി ഫോണ്‍ എടുത്തു...
എന്താ (മനസ്സില്‍ കിളവാ)? അവള്‍ ...
അമ്മുകുട്ടി ഉണ്ടോ ?
കുളിക്കുവാ.

ഓ.. ശരി... വരുമ്പോള്‍.. ഞാനിപ്പോള്‍ അയച്ച sms വായിച്ചിട്ട് തിരികെ വിളിക്കാന്‍ പറയണേ!!
പിന്നെ..ഉടനെ പറഞ്ഞേക്കാം.. രക്ഷപെട്ട ഭാവത്തില്‍ ഫോണ്‍ വെച്ചിട്ട് അവള്‍ എന്നെ നോക്കി..
ഡീ.. അങ്ങേരു അയച്ച ഏതോ SMS വായിച്ചിട്ട് നീ അങ്ങോട്ട്‌ വിളിക്കാന്‍..
വിളിച്ചത് തന്നെ.. ഞാന്‍ മനസ്സില്‍ ഓര്‍ത്തു...
എന്തായാലും ഞാന്‍ ഒന്ന് നോക്കട്ടെ.. എന്താണ് എന്ന്.. അവള്‍ inbox തുറന്നു..
'വരുവാനില്ലരുമിന്നോരുന്നാലും ഈ വഴിക്കറിയാം അതെന്നാലുമെന്നും..."
ഹിഹിഹി... ചിന്നു പൊട്ടി ചിരിച്ചു..
എടുത്തൊരു ഏറു കൊടുക്കടി ആ പണ്ടാരം.. ഞാന്‍ പൊട്ടിത്തെറിച്ചു...
 വീണ്ടും ഫോണ്‍ അടിച്ചു.. ഞങ്ങള്‍ ഫോണ്‍ കൊണ്ട് ഡൈനിങ്ങ്‌ ടാബിളില്‍ വച്ചു... 5 -ആം പ്രാവശ്യം അടിക്കാന്‍ തുടങ്ങിയപ്പോള്‍  അമ്മ വന്നു..

ഈ പിള്ളേര് എവിടെ പോയോ എന്തോ? അമ്മ ചോദിക്കുന്നത് കേട്ട്..ഡീ.. ഫോണ്‍ എടുക്കാന്‍...
ഓര്മ വന്നത് RAMJI RAO SPEAKING സിനിമയിലെ ഡയലോഗ്  ആണ്...
കേള്‍ക്കാന്‍ മേലാ... കമ്പിളി പുതപ്പു....കോറസ് ആയി ഞങ്ങള്‍ അലറി..

ഗണപതിക്ക്‌ വയ്ക്കുന്നത്.. എന്റെ നാട്..

 കുറെ നാളായിട്ട് എഴുതണം എന്ന് വിചാരിക്കുന്നു... സമയം കിട്ടാഞ്ഞിട്ടൊന്നുമല്ല ...മടി.. ഇന്ന് എന്തായാലും ആ സാഹസം തുടങ്ങാം എന്ന് വിചാരിക്കുന്നു....

 പ്രശസ്തനായ ഒരു ബ്ലോഗ്ഗര്‍ ഉം , എന്റെ ഫ്രണ്ട് ഉം ആയ ഒരാളോട് ആണ് ഞാന്‍ ബ്ലോഗ്‌ നെ കുറിച്ച് ആദ്യം  തിരക്കുന്നത്.. എങ്ങനാ ഇങ്ങനൊക്കെ എഴുതാന്‍ കഴിയുക?? പുള്ളി ആണ് പറഞ്ഞത് എല്ലാരുടെം ഉള്ളില്‍ ഒരു എഴുത്തുകാരന്‍ ഉറങ്ങി കിടപ്പുണ്ടെന്നും അതിനെ ഉണര്‍ത്താന്‍ നമ്മള്‍ സഹായികണം എന്ന് മൊക്കെ... സത്യം പറഞ്ഞാല്‍ എന്റെ ഉള്ളില്‍ ഒരു എഴുത്തുകാരന്‍ ഉണ്ടോ എന്നതിന്റെ ഒരു അന്വേഷണം മാത്രമാണ് ഈ കുറിപ്പുകള്‍... 

 എന്നാലും എനിക്ക് പിന്നെയും കുറെ സംശയങ്ങള്‍ ഉണ്ടാരുന്നു.. ഈ സര്‍ഗാത്മകത എന്നൊക്കെ പറയുന്നത് കളവാണോ??? എല്ലാര്ക്കും പാടാന്‍ പറ്റുമോ?? എല്ലാര്ക്കും ഡാന്‍സ് ചെയ്യാന്‍ പറ്റുമോ?? അത് പോലെ അല്ലേ എഴുത്തും??  പുള്ളി പറഞ്ഞു, try  ചെയ്യൂ .. ശരി ...ചെയ്തു കളയാം... എന്നാലും എഴുതാന്‍ ഇരുന്നപ്പോള്‍ ..സര്‍ഗാത്മകത തനിയെ വരും എന്ന് വിചാരിച്ചു  2 മണിക്കൂര്‍ ക്ഷമിച്ചു..... ഒരു രക്ഷയുമില്ല... സര്‍ഗാത്മകത പോയിട്ട് സ പോലും വന്നില്ല... എന്നാലും ആര്‍ക്കും കേറി ചുളുവില്‍ എഴുത്തുകാരന്‍ ആകാന്‍ കഴിയുന്ന ഈ അത്ഭുത പ്രതിഭാസത്തെ വെറുതെ കളയാനും തോന്നുന്നില്ല.. പണ്ട് ഒരു കവിത എഴുതിയ പരിചയം മാത്രം ആണ് കൈമുതല്‍... അതാണേല്‍ വായിക്കാന്‍ കൊടുത്ത ആളുടെ കയില്‍ നിന്നും അടിപോലും കിട്ടിയ ചരിത്രം ആണ്.. 

പിന്നേം ഒരുപാടു ആലോചിച്ചാണ് എഴുതാനുള്ള topic ഉണ്ടാക്കി എടുത്തത്‌... എന്റെ നാട്... അതാകുമ്പോള്‍ കുറെ എഴുതാനും കാണും..കൂടെ ഗണപതി ക്ക് വയ്ക്കുന്നത് ഒരു നല്ല സാധനം ആയിക്കോട്ടെ എന്നും കരുതി..

എന്റെ നാടിന്‍റെ പേര് തിരുവാര്‍പ്പ് എന്നാണ്.. അധികം വികസനം ഒന്നും ചെല്ലാത്ത കോട്ടയം ജില്ലയിലെ ഒരു ഉള്‍നാടന്‍ ഗ്രാമം. .. ഈ നാടിനു ആ പേര് വരാന്‍ ഉള്ള കാരണം ഇവിടുത്തെ 1500 വര്ഷം പഴക്കമുള്ള  പ്രശസ്തമായ കൃഷ്ണ സ്വാമി ക്ഷേത്രം ആണ് എന്നാണ് ഐതിഹ്യം ... ആ ഐതിഹ്യം ഞാന്‍ ഇവിടെ കുറിക്കട്ടെ !!!
പണ്ട് തിരുവാര്‍പ്പ് ഗ്രാമം അറിയപെട്ടിരുന്നത് കുന്നപള്ളി എന്നായിരുന്നു....  പാണ്ഡവര്‍ അവരുടെ വനവാസകാലത്ത് ആരാധിച്ചിരുന്ന ചതുര്‍ഭുജ കൃഷ്ണ വിഗ്രഹം , അജ്ഞാത വാസകാലത്ത് ,അക്ഷയ പാത്രത്തോടെ പുഴയില്‍ മുക്കിയിട്ടു...
അത് ഒഴുകി ഒഴുകി ചേര്‍ത്തലക്കടുത്തുള്ള ചാരമഗലം എന്നാ സ്ഥലത്ത് എത്തുകയും , ആ സ്ഥലവാസികള്‍ ഒരു അമ്പലം പണിതു ഈ വിഗ്രഹത്തെ അവിടെ പ്രതിഷ്ഠിക്കുകയും ചെയ്തു.. എന്നാല്‍ തുടര്‍ന്നുണ്ടായ ഒരു കൊടിയ വരള്‍ച്ചയുടെ ഫലമായി , വിഗ്രഹത്തിനു നിവേദിക്കാന്‍ പോലും അവിടുള്ളവര്‍ കഷ്ടപെടുകയുണ്ടായി.. അങ്ങനെ ഇരിക്കെ ക്ഷേത്രത്തിലെ തന്ത്രിക്ക് ആ വിഗ്രഹം ഒരു വാര്‍പ്പില്‍ (അഥവാ ഉരുളി ) വച്ചു പുഴയില്‍ ഒഴുക്കാന്‍ ഒരു അരുള്പാട്  ഉണ്ടാകുകയും,തല്‍ഫലമായി  ആ തന്ത്രി അങ്ങനെ ചെയ്യുകയും ചെയ്തു.. ഉടന്‍ തന്നെ ആ ക്ഷേത്രം കത്തി നശിക്കുകയും ആ തന്ത്രി മോക്ഷം പ്രാപിക്കുകയും ചെയ്തു...

അങ്ങനെ ഇരിക്കെ ഒരിക്കല്‍ തന്ത്രി മട്ടപ്പള്ളി മഠം നമ്പുതിരിപ്പാട് തിരുവനന്തപുരം പോയി തിരികെ വഞ്ചിയില്‍ വരുന്ന വഴിക്ക് , വേമ്പനാട് കായലിന്റെ ഒരു ഭാഗത്ത്‌ എത്തിയപ്പോള്‍ വഞ്ചി നിന്ന് പോകുകയും, ചുഴിയില്‍ പെട്ടത് പോലെ വട്ടം കറങ്ങുകയും ചെയ്തു.. വഞ്ചി തുഴഞ്ഞ ആളോട് ഇറങ്ങി നോക്കാന്‍ തിരുമേനി പറഞ്ഞെങ്കിലും, അയാള്‍ക്ക് പേടി ആയതിനാല്‍ തന്ത്രി തനിയെ വെള്ളത്തില്‍ മുങ്ങി നോക്കിയപ്പോള്‍ , 2 വാര്‍പ്പിനിടയില്‍ കിടന്നിരുന്ന കൃഷ്ണ വിഗ്രഹം കണ്ടെടുക്കുകയും ചെയ്തു..  അദ്ദേഹം വെള്ളം കളഞ്ഞു ആ വാര്‍പ്പിനു സുഗമം ആയി ഒഴുകാന്‍ അവസരം ഉണ്ടാക്കി കൊടുക്കുകയും ഒരു വഞ്ചിയില്‍ അതിനെ പിന്തുടരുകയും ചെയ്തു..  അത് ഒഴുകി ഒഴുകി പായല്‍ പിടിച്ചു കിടന്ന ഒരു കൈ വഴിയില്‍ കയറുകയും അവിടെ ഒരു ഈഴവ കാരണവര്‍ പായല്‍ വകഞ്ഞു മാറ്റി അതിനു വഴി ഒരുക്കുകയും ചെയ്തു..  ആ കുടുംബത്തിലെ പിന്തുടര്‍ച്ചക്കാര്‍ ഇപ്പോഴും ഈ ഗ്രാമത്തില്‍ താമസിക്കുന്നുണ്ട്.. അവര്‍ക്ക് ക്ഷേത്രത്തില്‍ പ്രത്യേക അവകാശങ്ങളും പതിച്ചു നല്‍കിയിട്ടുണ്ട്...

അതിനു ശേഷം തല്‍കാലം ആ വിഗ്രഹം മഠത്തില്‍ വച്ചു എന്നും അതിനു ശേഷമാണു ഇന്നത്തെ ക്ഷേത്രം പണിതു വിഗ്രഹം കുടിയിരുത്തിയെന്നുമാണ് ഐതിഹ്യം.. അന്ന് കരിക്കിന്‍ വെള്ളവും കണ്ണി മാങ്ങയുമാണ് ഭഗവാനു നിവേധിച്ചത്...
ഇപ്പോഴും മേട മാസത്തില്‍ 10 -അം ഉത്സവ ദിനമായ ആരട്ടിന്റെ അന്ന് വിഗ്രഹം മഠത്തില്‍ കൊണ്ട് പോകുകയും കണ്ണിമാങ്ങയും കരിക്കിന്‍ വെള്ളവും നിവേധിക്കാരുമുണ്ട്..

തിരുവാര്‍പ്പില്‍ ഭഗവാന്‍  പടിഞ്ഞാറോട്ട് ദര്‍ശനം നല്‍കി ആണ് ഇരിക്കുന്നത്.. നട തുറക്കുന്നത് 2 മണിക്കാണ്.. അഭിഷേകം ചെയ്താലുടന്‍ തല മാത്രം തുവര്‍ത്തി നിവേദ്യം നല്‍കുകയും ആണ് ഇവിടെ പതിവ്... അതിനു പിന്നിലും ഒരു കഥ ഉണ്ട്... കംസനെ കൊന്നു വിശന്നു വളഞ്ഞ കൃഷ്ണന്‍ ആണ് ഇവിടുത്തെ എന്നാണ് സങ്കല്‍പം.. അതിനാല്‍ തന്നെ നട തുറക്കുന്ന തന്ത്രിയുടെ കൈയില്‍  താക്കോലും കൂടെ ഒരു മഴുവും ഉണ്ടായിരിക്കും.. താക്കോല് കൊണ്ട് തുറക്കാന്‍ താമസം നേരിട്ടാല്‍ മഴു കൊണ്ട് വാതില്‍ വെട്ടി പൊളിക്കാന്‍ തന്ത്രിക്ക് അധികാരം ഉണ്ട്..  അത് മാത്രമല്ല ഗ്രഹണ സമയത്ത് പോലും തുറക്കാറുള്ള ഒരു ക്ഷേത്രം ആണ് ഇത്.. ഒരിക്കല്‍ ഗ്രഹണത്തിന് അടച്ചിട്ട ശേഷം നട തുറന്ന തന്ത്രി കാണുന്നത് ഭഗവാന്റെ അയഞ്ഞ കിങ്ങിണി (അരപ്പെട്ട ) ആണ്..അതിനു ശേഷം ഗ്രഹണ സമയത്ത് ക്ഷേത്രം അടയ്ക്കാറില്ല ..ഇവിടുത്തെ പ്രത്യേക നിവേദ്യം ആയ ഉഷ പായസം വളരെ പ്രസിദ്ധം ആണ്...

 ദൈവം കനിഞ്ഞനുഗ്രഹിച്ച പ്രകൃതി സൌന്ദര്യതാല്‍ വശ്യമാണ് ഈ കൊച്ചു ഗ്രാമം..  ഞാന്‍ ഈ ഗ്രാമത്തിന്റെ കുറച്ചു  ഫോട്ടോസ് താഴെ  കൊടുക്കുന്നു... അത് കണ്ടു കഴിഞ്ഞാല്‍ ഞാന്‍ ഇനി കൂടുതല്‍ ഒന്നും പറയണ്ട എന്നാണ് തോന്നുന്നത്...

അത്യാവശ്യത്തില്‍ കൂടുതല്‍ ബസ്‌ service ഉള്ള ഒരു  സ്ഥലം ആണ് ഇത് എന്നാണ് തോന്നുന്നത്... ലോക പ്രസിദ്ധമായ കുമരകം തിരുവാര്‍പ്പിന്റെ അയല്‍ക്കാരി ആണ്... കുറച്ചു താഴ്ന്ന പ്രദേശം ആയതിനാല്‍ മുന്‍പൊക്കെ വെള്ളപൊക്കെ ഭീഷണി ഉണ്ടായിരുന്നു... അതിന്റെ ഒരു ഫോട്ടോ ഞാന്‍ താഴെ കൊടുക്കുന്നു....

എന്തായാലും ഞാന്‍ കൂടുതല്‍ എഴുതി നശിപ്പിക്കുന്നില്ല... എന്നെ കൊണ്ട് വര്‍ണ്നിക്കവുന്നതിലും അപ്പുറത്താണ് എന്റെ നാടിന്‍റെ സൌന്ദര്യം ...

ഇത് എന്റെ ആദ്യ POST ആണ്.. ദയവു ചെയ്തു പ്രോത്സാഹിപ്പിക്കുക...